Nk’uko kandi uwo muyobozi abivuga, ishirahamwe BMBC riritwararika cane akanovera k’ibikorwa rirangurira abakirya mu gukurikiza amategeko n’ingero zizwi ku rwego rw’igihugu no ku rwego mpuzamakungu mu vyerekeye ubwubatsi, harimwo no kuronka impusha zose zikenewe ku migambi y’ubwubatsi.

BMBC irakorana n’Ikigo OBUHA kijejwe gutuganya ibisagara n’uburaro, hamwe kandi n’ibisata bijejwe amatongo kugirango ntihagire umugambi n’umwe urangurirwa mu matongo ari mu matati.

Ivyo bikajana n’uko hari benshi baha ibikorwa vy’ukubaka inyubakwa z’imiryango canke rusangi batari abanyamwuga. Ku bw’umuyobozi wa BMBC, kwubaka inzu bitwara amahera menshi, bigasaba rero ko abipfuza kwubaka bose bahanuza kandi bagaha imigambi abanyamwuga. 

Umuyobozi mukuru wa BMBC atera akamo abashaka kwubaka kwizera ishirahamwe BMBC kugira barizeze ibikorwa vyabo, kuko rishobora kubatunganiriza imigambi bagashima, n’aho boba batari hafi y’aho iyo migambi.

Atanga akarorero k’abarundi benshi ishirahamwe rimaze kubakira amazu bibereye mu mahanga, bakaza basanga zaruzuye batigeze bahonyora kuri shantiye na rimwe.